അദ്ദിക്ർ

 വിശ്വാസി 43: 36-39 ല്‍ പറഞ്ഞ തന്‍റെ ജിന്നുകൂട്ടുകാരനെ അദ്ദിക്ര്‍ ഉപയോഗപ്പെടുത്തി വിശ്വാസിയാക്കിമാറ്റുകയും നാഥനെ ഹൃദയത്തില്‍ സൂക്ഷിക്കുകയും ചെയ്യുന്നതാണ്. 3: 102 ല്‍ വിവരിച്ച പ്രകാരം അവന്‍ മാത്രമാണ് സര്‍വസ്വം നാഥന് സമര്‍പ്പിക്കുന്നവനായി (മുസ്ലിമായി) മരണപ്പെടുക. അറബി ഖുര്‍ആന്‍ വായിക്കുന്ന ഫുജ്ജാറുകള്‍ മു സ്ലിംകളാണെന്ന് വാദിക്കുന്നവരാണെങ്കിലും 56: 82 ല്‍ പറഞ്ഞ പ്രകാരം അദ്ദിക്റിനെ തള്ളിപ്പറയുക എന്നത് ഭക്ഷണമാക്കിയിരിക്കുന്നതിനാല്‍ 4: 150-151 ല്‍ പറഞ്ഞ യഥാര്‍ത്ഥ കാഫിറുകളാണ്. 10: 60 ല്‍ വിവരിച്ച പ്രകാരം ആത്മാവിനെ പരിഗണിക്കാത്ത ഈ കെട്ടജനത മരണസമയത്തും വിധിദിവസവും അവരുടെ ആത്മാവിനെതിരെ നിശ്ചയം! അവര്‍ കാഫിറുകള്‍ തന്നെയായിരുന്നു എന്ന് സാക്ഷ്യം വഹിക്കുന്നതാണ്. ഇത്തരം ഭ്രാന്തന്മാര്‍ ചിന്താശക്തി ഉപയോഗപ്പെടുത്താതെ പിശാചിനെയാണ് സേവിച്ചുകൊണ്ടിരിക്കുന്നത് എന്ന് 36: 59-62 ല്‍ പറഞ്ഞിട്ടുണ്ട്. അല്ലാഹുവിനെക്കൂടാതെ അവന്‍റെ ഏത് സൃഷ്ടിയെ വിളിച്ച് പ്രാര്‍ത്ഥിക്കുകയാണെങ്കിലും അവര്‍ പിശാചിനെയല്ലാതെ വിളിച്ച്പ്രാര്‍ത്ഥിക്കു ന്നില്ല എന്ന് 4: 117 ല്‍ പറഞ്ഞിട്ടുണ്ട്.

നീയാണ് ആദ്യന്‍, നിനക്കുമുമ്പ് ആരുമില്ല! നീയാണ് അന്ത്യന്‍, നിനക്കുശേഷം ആരുമില്ല! നീയാണ് പ്രത്യക്ഷന്‍, നിനക്ക് മുകളില്‍ ആരും ഇല്ല! നീയാണ് പരോക്ഷന്‍, നിന്നെക്കൂടാതെ മറ്റൊന്നുമില്ല എന്ന് ആത്മാവുകൊണ്ട് പ്രാര്‍ത്ഥിക്കാന്‍ 57: 3 ന്‍റെ വിശദീകരണമായി പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്.

ചുരുക്കത്തില്‍ സത്യമായ അദ്ദിക്റിനെ സത്യപ്പെടുത്തി ജീവിക്കാത്ത ഏതൊരാളും നാഥനെ പരിഗണിക്കേണ്ട വിധം പരിഗണിക്കാത്തവരും ഊഹങ്ങളെയല്ലാതെ പിന്‍പറ്റാത്തവരും നിഗമനങ്ങളല്ലാതെ വെച്ചുപുലര്‍ത്താത്തവരുമാണ് എന്ന് 6: 116 ല്‍ വിവരിച്ചിട്ടുണ്ട്. കപടവിശ്വാസികളായ പുരുഷന്മാരും സ്ത്രീകളും അവരെ പിന്‍പറ്റുന്ന മുശ്രിക്കുകളായ പുരുഷന്മാരും സ്ത്രീകളും അല്ലാഹുവിന്‍റെ കോപവും ശാപവും വര്‍ഷിക്കപ്പെട്ടവരും ന രകക്കുണ്ഠം ഒരുക്കിവെക്കപ്പെട്ടവരുമാണ് എന്ന് 48: 6 ല്‍ പറഞ്ഞിട്ടുണ്ട്. 4: 131-133; 6: 111; 9: 31; 10: 35-36 വിശദീകരണം നോക്കുക.